Pagdadalamhati Para Sa Pambansang Sayantist

Pagdadalamhati para sa “Pambansang Economista”

“National Scientist Onofre D. Corpuz”

                                         By: Rodel P. Cadion

Isang Pagdadalamhati ang ginanap noong ika-26 ng Marso taong 2013 para sa ating Pambansang Sayantist na si Dr. Onofre D. Corpuz na idinaos sa Our Lady of Consolacion Chapel sa Quezon City. Si NS Corpuz ay pumanaw noong ika-23 ng Marso taong 2013 sa edad na 86 due to cardiac arrest. Ito ay dinaluhan ng ibat-ibang mga tao mula sa Pilipinas, kabilang na dito ang pamilya ng dating yumaong Pangulong Ferdinand Marcos, kapwa National Scientists, kapwa Academicians at pinuno ng ibat-ibang establishimento. Si NS Corpuz ay kilala sa larangan ng estatistika, siya ay kilalang ekonomista sa kanyang panahon at magpasa hanggang ngayon, dati na rin siyang nahalal na maging pinuno ng Department of Education at Development Academy of the Philippines at naging Southeast Asia Minister of Education. Isa rin siya sa tumulong sa pagpapaunlad ng bansa. Kilala si NS Corpuz sa husay niya sa pagaaral ng pagtaas at pagbaba ng supply at demand sa ating bansa. Minsan na rin siyang pinarangal bilang Akademisyan sa National Academy of Science and Technology taong 1999 at nabigyan ng natatanging parangal bilang isang National Scientist sa nasabi ding akademya,  isang parangal na iginagawad sa isang Pilipino na nakapag ambag ng natatanging husay at kaalaman para sa pag-papaunlad ng bansa.

Si NS Corpuz ay nagtapos sa University of the Philippines sa kursong Political Science at nagkamit ng parangal bilang magna cum laude taong 1950, M.A sa University of Illinois taong 1953 at Harvard University para sa kanyang Ph.D. taong 1955-1956. Minsan na rin siyang ginawaran ng Ph.D. honoris causa na iginawad ng Royal Chulalongkorn University ng Thailand. 

Hindi matatawaran ang ipinakita at ibinahagi ng ating Pambansang Sayantist na si Dr. Corpuz para sa bansa. Kaya naman mula sa kanyang pamilya, kaibigan, kasamahan sa trabaho at sa ating Pangulo, isang pasasalamat ang kanilang ibinahagi mula sa kanilang mensahe para sa isang natatanging guro, ama, kaibigan, pinuno, manunulat, alagad ng batas at Bayani. Maraming salamat National Scientist Onofre D. Corpuz.